CAMIÑO DE VIDA

A vida é unha sucesión de espacios e tempos, con diferentes situacións e actores, nos cales cadaquén cumple o papel que ten asignado nos distintos episodios das series que nos tocan no reparto que temos reservado e adxudicado no "casting".
Neste espacio tentaremos recoller aqueles artigos e opinións, tanto de traballos de profesionais, columnistas e outras opinións de colaboradores que nos aporten unha filosofía de vida sobre as diferentes temáticas e situacións que unha persoa pode atoparse ao longo do seu Camiño de Vida.

Así, atoparemos traballos xa publicados en diferentes medios e outros feitos específica e puntualmente en cada ocasión. Sobre todos eles,simplemente, limitarémonos a publicalos na nosa sección; en primeiro lugar por compartir básicamente as súas opinións e, en segundo lugar, nesa liña, por contribuir, na nosa medida, a divulgar e promocionar esa filosofía que encerra cada unha das distintas opinións.
Por suposto faremos referencia aos autores e medios nos cales foron publicados, así como, desde xa, manifestamos o noso agradecemento pola súa aportación a facernos reflexionar e poder entender a realidade que nos rodea.
En base ao devandito, "Camiño de Vida" é un espacio aberto no cal tentaremos recoller e divulgar todas aquelas opinións coincidentes coa nos filosofía de vida, aínda que non sempre compartamos as mesmas na súa totalidade, mais sí no fundamental.