Programa (Adianto)

A Asociación Cultural Conxeito está a organizar a 3ª edición da Mostra Cinema e Sociedade. A mesma terá lugar entre os días 14 e 18 do próximo mes de Novembro na Fundación Novacaixagalicia de Ferrol, sendo a clausura no Teatro Jofre. Tratamos de fomentar o debate das diferentes problemáticas sociais (cancro, ludopatía, anorexia e bulimia, discapacidades, accidentes de tráfico,...) utilizando os medios audiovisuais acompañados de mesas redondas con persoas especializadas en cada un dos temas a tratar, para o cal facemos proxeccións de traballos en horarios de mañá e tarde para falicitar a asistencia de colectivos sociais e público en xeral.

Imos adiantar un resumo da programación deste ano (estamos ultimando polo que pode sufrir algunha modificación): Lugar: Fundación Novacaixagalicia
Luns 14: Ás 20 h apertura da Mostra.

Martes 15: Ás 10 h proxección de " La decisión de Anne" coa temática sobre o cancro, seguida da correspondente mesa redonda.
Ás 20 h proxección de "Sara" que trata sobre a violencia de xénero.

Mércores 16: Ás 10 h proxección de "Anorexia e Bulimia" coa temática da saúde e imaxe e a súa mesa redonda.
Ás 20 h proxección de "Lena" co tema do paso da adolescencia ó mundo dos adultos.

Xoves 17: Ás 10 h proxección de "Las llaves de casa", sobre a discapacidade infantil e mesa redonda a continuación.
Ás 20 h proxección de "Xogo de mentiras" coa temática da ludopatía.

Venres 18: Ás 10 h proxección de "El viaje de Cris" que trata o tema dos accidentes de tráfico e as suas consecuencias. Mesa redonda.
Ás 20 h, e xa no Teatro Jofre, terá lugar a clausura da Mostra na cal se fará entrega da Mención Especial.